（香港文汇报记者 阿祖）《芷珊约您》昨晚首播，主持黎芷珊飞到纽约直击首集嘉宾张敬轩的美国站巡唱。轩仔巡唱圆满结束后，跟芷珊进行深度交流。入行廿年的轩仔，大谈由当年只身来港发展到今日成为香港乐坛顶流之一确实不容易，芷珊问轩仔入行多年牺牲了甚么？轩仔坦言：「一个内地人嚟香港，你会觉得你有咩唔好嘅新闻，会好似变咗一个内地人嘅典范，好多因素令我觉得输唔起。」轩仔续指为了保持靓声，连最爱的酒都不敢多喝：「我要Keep住把声仲唱到以前啲歌，咁呢啲就系平时生活上嘅约束。」

问到未来十年的计划，轩仔打算将多年来累积到的经验与后辈分享：「用我哋挨过嘅苦头去话畀佢哋听捷径喺边度，呢啲系好好嘅传播。」芷珊问到现在的他快乐吗？轩仔坦言：「快乐呀，行到42岁呢两年系我人生最好嘅时候，我有自己团队，无论做演唱会或者拍Youtube都有好反应，自己派嘅歌反应又好好，爸爸妈妈生活又安稳 ，自己想食嘅嘢又食得起，想去嘅地方又去得起，觉得人生好圆满，但要Keep住落去系唔容易。」

芷珊还大胆向轩仔提问大家最想知道的感情事，42岁的轩仔坦言开始有想被人照顾的念头，芷珊问到有否遇过适合的对象，轩仔想了良久才说：「唔系好识到人系真嘅，同埋唔系咁轻易畀人进入到我生命。」他又自认恶顶：「譬如有Potential成为情人嘅人，同一班Friend嚟到我屋企，会喺我屋企攞起啲嘢嚟睇睇，但系佢摆唔番啱个位，咁我就会行埋去摆番啱，咁就完咗喇。」芷珊向轩仔严刑迫供拍过几次拖，轩仔说：「拖过一只、半只手仔咁啦，我系一个讲将来嘅人，但一去到讲将来标准就会唔同，我系冇『不如行吓睇吓点先啦』呢一种，我所有嘢都要Well Planned。」

问到有否真正爱过一个人？轩仔不讳言：「我觉得我系爱过，其实父母系影响咗我嘅感情观，佢哋两个系南辕北辙，佢哋到依家都系唔夹，我见到我妈嘅痛苦，𠮶种矛盾到依家40几年都系冇解决，佢哋到离开𠮶一日都唔会解决得到，我唔可以畀我人生系咁。」轩仔直言如果遇到真爱便会退休：「如果我Commit得佢系我另一半，我会同佢Share人生最后𠮶段时间。」

节目尾声，轩仔应芷珊要求爆了一个小秘密。轩仔透露2012年时突然有一天，十只手指无故变黑，他说：「点洗都洗唔到，仲要系入面黑出嚟，好似中咗毒咁！我系一个有疑病症嘅人，𠮶时又有Depression，医生朋友即刻安排我入私家医院，所有嘢Check完都系正常。𠮶6、7日我系人生第一次觉得，如果我突然间死咗，阿爸阿妈点呢？我打电话畀我身边嘅人安排好晒啲嘢，之后突然之间发现，𠮶排着紧嘅牛仔裤点解摸完之后（对手）愈嚟愈黑嘅？原来系条牛仔裤甩色，一条牛仔裤冇咗我10万蚊，整咗10万蚊住院呀！」轩仔续指当时的「身后事」非常夸张：「我打电话畀Johnny Yim（著名音乐人），同佢讲要做几个Project，叫佢帮我编曲，如是者Johnny帮我整咗70首歌，𠮶70首歌系旧歌翻唱，我就录晒。虽然牛仔裤事件已经过咗去，但呢件事好似一个炸弹，如果我突然间走咗，我剩低嘅嘢系唔够阿爸阿妈过生活。」